कक्षाकोठाको पढाईबाट मात्रै दक्ष जनशक्ति असम्भव-प्रम ओली

'अब कक्षा कोठाको पाढइले मात्र पुग्दैन, विद्यार्थीलाई घर गाउँमा, खेतमा नै लगेर शिक्षा दिनु पर्दछ '

काठमाडौं, २० असोज – प्रधानमन्त्री केपी शर्मा ओलीले कक्षा कोठाको पढाइबाट मात्र दक्ष जनशक्ति उत्पादन नहुने बताएका छन । पूर्वाञ्चल विश्व विद्यालयको २९ औं साधारणसभालाई शनिवार सम्बोधन गर्दै प्रधानमन्त्री ओलीले ओलीले देशको आवश्यकता अब विद्यालयमा दिइने औपचारिक शिक्षाले मात्र पुरा गर्न नसक्ने भएकाले प्रयोगात्मक र व्यवबहारिक शिक्षा दिनु पर्नेमा जोड दिए । ‘अब कक्षा कोठाको पाढइले मात्र पुग्दैन, विद्यार्थीलाई घर गाउँमा, खेतमा नै लगेर शिक्षा दिनु पर्दछ’  प्रधानमन्त्री ओलीले भने ।
प्रधानमन्त्री ओलीले शिक्षालाई आजको विज्ञान र प्रविधिलाई समेत उपयोग गरेर अघि बढाउनु पर्ने बताए । “शिक्षा र प्रविधिलाई सम्बन्धित गराएर अघि बढाउनु पर्दछ” प्रधानमन्त्री ओलीले भने “यसले गर्दा थोरै जनशिक्तबाट धेरै काम लिन सकिन्छ ।” यस बर्ष देखि सुरु गरिएको निरक्षरता विरुद्धको महाअभियानले आगामी बर्ष सबै बालबालिकालाई विद्यालयमा ल्याइने प्रधानमन्त्रीको दाबी छ । “आगामी बर्षदेखि विद्यालय उमेरका कोही पनि बालबालिका विद्यालय बाहिर हुने छैनन्” प्रधानमन्त्री ओलीले भने ।
प्रधानमन्त्री ओलीले विश्वविद्यालयहरु अब विशिष्टकृत हुने पर्ने बताए । विश्वविद्यालयहरुमा आपसी समन्वय नहुँदा कतिपय ठाँउमा आवश्यकता भन्दा बढी कलेजहरुले सम्बन्धन पाएको बताए । प्रधानमन्त्री ओलीले देशको आवश्यकता अनुसार शिक्षण संस्थाहरु खोल्नु पर्ने बताउदै भने “शिक्षा देशको आवश्यकता अनुसार अघि बढाउनु पर्दछ ।”
साधारणसभाले आव २०७५÷०७६ का लागि प्रस्तावित आयव्यय विवरण, आव २०७१÷०७२ र आव २०७२÷०७३ को लेखा परीक्षण प्रतिवेदन पास गरेको छ । यसैगरी आव २०७३÷०७४ र ०७४÷०७५ को लेखा परीक्षक नियुक्त गर्न विश्वविद्यालयलाई अधिकार दिएको छ ।