बालबालिकालाई भिटामिन खुवाईयो

बागलुङ, १५ कार्तिक — मुलुकभरी बुधबार भिटामिन ‘ए’ खुवाउने कार्यक्रम सञ्चालन भयो । बिहीबारसम्म सञ्चालन हुने छ । भिटामिन ए सँगै जुकाको औषधि (अल्वेन्डाजोल), पाखुराको नाप र बालभिटा पनि बालबालिकालाई उक्त अवसरमा वितरण गरिने छ । बालभिटा सुक्ष्म पोषक तत्वको अभाव पूरा गर्ने खाद्यपदार्थ हो । छ महीनादेखि पाँच वर्षसम्मका बालबालिकाको पाखुराको नाप लिइनेछ । शहरका बालबालिकामा असन्तुलित आहारका कारण कुपोषण देखिन थालेकाले औषधि खुवाउने क्रममा पाखुराको नाप लिइन थालिएको हो ।

हरेक वर्ष वैशाख ६ र ७ तथा कात्तिक २ र ३ गते सो कार्यक्रम अभियानका रुपमा सञ्चालन गर्ने गर्दछ । यस वर्ष महान् पर्व बडादशैँ परेकाले कात्तिक १४ र १५ गते सो अभियान सञ्चालन गर्न लागिएको हो । देशभरका ७५३ स्थानीय तहमा एकै साथ यो कार्यक्रम सञ्चालन भएको छ । श्रेष्ठका अनुसार भिटामिन ए, क्याप्सुल छ महीनादेखि पाँच वर्षमुनिका करीब २७ लाख तथा एक वर्षदेखि पाँच वर्षमुनिका २३ लाख ५६ हजार ८५३ बालबालिकालाई अल्वेन्डाजोल एक ट्याबलेट खुवाइनेछ । कार्यक्रममा देशभर ३६ हजार बुथमा ६० हजार स्वयंसेविका÷स्वास्थ्यकर्मी जनशक्ति खटिएका छन् ।