वरिष्ठ वामपन्थी नेता पद्मरत्न तुलाधरको निधन

काठमाडौं, १८ कार्तिक- वरिष्ठ वामपन्थी नेता पद्मरत्न तुलाधरको निधन भएको छ । मष्तिस्कघातका कारण केही समययता बिरामी परेका तुलाधरको आइतवार दिउँसो निधन भएको हो । तत्कालीन बिद्रोही माओवादी र सरकारबीच मध्यस्थकर्ताको भूमिका निभाएका तुलाधर पूर्व मन्त्री समेत हुन् ।

२०५१ सालमा मनमोहन अधिकारी नेतृत्वको कम्युनिष्ट सरकारमा उनी श्रम तथा स्वास्थ्य मन्त्री थिए । उनी २०४२ सालमा राष्ट्रिय पञ्चायतमा जनपक्षीय उम्मेदवार थिए । केही दिन पहिले काठमाडौंको अन्नपूर्ण न्युरो अस्पतालमा शल्कक्रिया गरिएका तुलाधरको स्वास्थ्यमा सुधार नआएपछि उनलाई केही दिन पहिले नर्भिक अस्पतालमा भर्ना गरिएको थियो ।