गण्डकी प्रदेश सरकारले बाँड्यो ढोरपाटनका पिडितलाई राहत

पिडितद्धारा कृषिजन्य बिउबिजन उपलब्ध गराई सहयोग गर्न सरकार समक्ष अनुरोध

बागलुङ, १६ मंसिर – गण्डकी प्रदेशका आन्तरिक मामिला तथा कानुन मन्त्री हरि बहादुर चुमानले संघियता भनेको जनताको घर दैलोमा सरकार र जनताको सुख दुखमा सहयात्री भएको बताएका छन । मंसिर ९ गते भएको आगोलागी पिडितलाई आईतवार प्रदेश सरकारकोतर्फबाट ढोरपाटन नगरपालिका ८ बोबाङमा राहत वितरण गर्दै हिजोको व्यवस्था ठिक नभएकोले सहिदको बलिदानीले अहिले सरकार खोज्न जिल्ला र केन्द्र धाउनु नपर्ने भएको वताए ।
यो सबै उपहार संघियताले दिएको छ । आज स्थानिय तहदेखि प्रदेश हुॅदै केन्द्रमा समेत सरकार रहेकोले अब जनताले प्रत्यक्ष अप्रत्यक्ष अनुभुति गर्ने गरि योजनावद्व र क्रमवद्व रुपले विकाले तिव्रता पाउॅछ, मन्त्री चुमानले भने, अग्नी पिडितलाई दुखको यस घडिमा धैर्य रहन प्रदेश सरकारको तर्फबाट आग्रह गर्दछु । यहॉहरुको साथमा तीनै तहको सरकार छ, आवश्यक राहत तथा सहयोग हुन्छ ।

ढोरपाटन एक महत्वपुर्ण पर्यटकीय गन्तव्य मात्रै होईन, हाम्रो सम्पति र पुॅजी हो, यसको विकासको निमित्त आवश्यक विकासका पुर्वाधारका खाका प्रदेश सरकारले कोरिसके वताउदै मन्त्रीले चुमानले सरकार र जनप्रतिनिधीलाई विकास र समृद्विमा हातेमालो गर्न आग्रह गरे । अहिले देश नयॉ संरचना र पद्धतिको अभ्यासमा छ, विस्तारै विकास हुन्छ, निराश नहुनुहोस भन्दै उनले जनतालाई ढुक्क रहन आग्रह समेत गरे ।
कार्यक्रममा प्रदेश सांसद चन्द्र बुढामगरले ढोरपाटनलाई महत्वपुर्ण पर्यटकीय गन्तव्यको रुपमा विकास गर्न सालझण्डी ढोरपाटन सडकको छिट्टै स्तरोन्नति हुने बताए । अग्नी पिडितहरुको दुखमा सहयात्री बन्न प्रदेश सरकार पिडितको आगनीमा उपस्थित भएको छ, वुढाले भने, यो क्षेत्र धेरै सम्भावना बोकेको क्षेत्र रहेकोले यहॉका श्रोत र साधनको अधिकतम उपयोग गरि जनता र देशको समृद्विमा सरकार दृढ छ ।

प्रदेश सरकारले ढोरपाटन नवि गाउॅका ३६ घरधुरी अग्नी पिडितलाई प्रति घर रु। १० हजारका दरले नगद रु ३ लाख ६० हजार राहत प्रदान गरेको छ । उक्त रकम प्रदेश सरकारका आन्तरिक मामिला तथा कानुन मन्त्री हरि बहादुर चुमान र प्रदेश सांसद चन्द्र बुढा सागरले संयुक्त रुपमा पिडित परिवारलाई हस्तान्तरण गरे । राहत वितरण कार्यक्रममा जिल्ला प्रशासन कार्यालय बागलुङका प्रतिनिधी, ढोरपाटन नगरपालिका वडा नं ८ र ९ का जनप्रतिनिधी, समाजसेवी, नेपाल प्रहरी र पत्रकार लगायतको उपस्थिति रहेको थियो ।

राहत प्राप्त गरेपछि आफुहरु खुसी भएको अग्नी पिडित डिल बहादुर विकले बताए । त्यस्तै अर्का अग्नी पिडित केसमाया घर्तीले घर निर्माण, लत्ताकपडा एवं कृषिजन्य बिउबिजन उपलब्ध गराई सहयोग गरिदिन सरकार समक्ष अनुरोध गरिन । कार्यक्रम ढोरपाटन नगरपालिका वडा नं ८ का वडा अध्यक्ष नन्दे सुनारको अध्यक्षता, वडा नं ९ का वडा अध्यक्ष हरि बहादुर घर्तीको स्वागत र ईलाका प्रशासन कार्यालय बुर्तिबाङका शाखा अधिकृत नन्दराम भुसालको सञ्चालनमा सम्पन्न भएको थियो ।