लक्षभन्दा ३९ प्रतिशत बढि मुद्धा फछ्र्यौट

बागलुङ, १ चैत – उच्च अदालत बागलुङ इजलाशले चालु आर्थिक बर्षको फागुन मसान्त सम्ममा लक्षभन्दा ३९ प्रतिशत बढि मुद्धा फछ्र्यौट गरेको छ । चालु आर्थिक बर्षको फागुन मसान्त सम्ममा १ सय ९ मुद्धा फछ्र्यौट गर्ने लक्ष लिएको इजलाशले १ सय ५१ मुद्धाको फैसला गरेको छ । अदालतले लिएको लक्ष अनुसार यो अबधिमा ४२ वटा बढि मुद्धा फछ्र्यौट भएका हुन् ।

अदालतमा २ सय ७६ मुद्धा दर्ता भएका थिए । हालसम्म १ सय ५१ मुद्धाको फैसला भैसकेकाले अब १ सय २५ मुद्धा फछ्र्यौट हुन बाँकी रहेको रजिष्ट्रार ध्रुव कुमार ढकालले जानकारी दिए । यो अवधिमा अदालतले १ सय ८ वटा सरकारी फौजदारी, १६ वटा दुनियाँबादी, ८ वटा दुनियाँवादी फौजदारी र १९ वटा रिट फछ्र्यौट गरेको जनाएको छ ।

ढकालका अनुसार ५९ वटा सरकारी फौजदारी, ३१ वटा दुनियाँवादी, १८ वटा दुनियाँ बादी फौजदारी र १६ वटा रिट फछ्र्यौट हुन बाँकी रहेका छन् । आर्थिक बर्ष २०७४÷०७५ मा झण्डै १ सय २५ प्रतिशतले मुद्धा बढेको अदालतले जनाएको छ । २ सय ५१ मुद्धाको लक्ष लिएको अदालतमा २७६ मुद्धा दर्ता भएका छन् ।