गजल : मनु ब्राजाकी

नयाँ नेपाल जाने थोत्रो बस छुटेछ
भ्रष्टाचारले मगन्तेको पैसो लुटेछ ।

पूरा खान ‘प्रभु’लाई भोग लगायो
थोते बूढी आमालाई मकै भुटेछ ।

ऐना हेर्न डराउँछन् आज नेपाली
हिमालको भित्ते ऐना पनि फुटेछ ।

छोरी कुटी बुहारीलाई तर्साउनेले
आमालाई कुट्नुसम्म आज कुटेछ ।

लुट्या देश आपस्तमा भागबण्डा भो
अनि पो त दलहरू आज जुटेछ ।

यो देशको बालीनाली कस्तो हुने हो ?
पानी पर्नुसट्टा असिनाले चुटेछ ।

मनु ब्राजाकी

शनिबार, मंसिर १६, २०७४ मा प्रकाशित

सम्बन्धित सामाग्री

 

Ambe Steel 280×150
Hundai
Hundai
Ambe Steel 280×150